Trapagarandik mezu hau jaso dugu:
Aupa lagunak!
Maiatzaren
1eko martxaren ondoren planteatzen dugu ia
beharrezkoa posible ikusten dugun eskualde mailan, meatzaldeko
kolektibo sozialen koordinazio bat sortzea, kanpaina, ekimen eta
proiektuak elkarbanatu eta eskualdeko ikuspegiz ekimenak sortzeko. Zuek
nola ikusten duzue gauza? Bilera ireki bat deitzen dugu horretarako.
Maiatzak 22, asteazkena
19:00etan Trapagarango gaztetxean.
Trapagarango
plataforma sozialean eskualdeko kolektibo sozial ezberdinen artean
antolatu genuen Maiatzak 1eko martxaren balorazio baikorra egin dugu.
Deialdia arrakastatsua izan zen, jendartean era honetako ekimen
baterako nahia zegoen eta hori nabaritu egin zen.
Martxaren
arrakastaz haratago ordea, eskualdeko hainbeste kolektibo, elkarte eta
asanblada ekimena antolatzeko bildu eta elkar ezagutu izana da guretzat
arrakastarik handiena. Beharrezkoa ikusten duzue Meatzaldean eskualdeko kolektibo sozialen arteko bilgune edo elkarlanerako koordinazio bat? Hori da planteatzen dugun galdera.
Horren
inguruan hitz egin eta zehazteko maiatzaren 22rako bilera batera
deitzen ditugu maiatzaren 1eko martxa antolatzen aritu ginen eskualdeko
kolektiboak. Hauek da Trapagarango plataforma sozialetik planteatzen
ditugun gaiak:
1-Maiatzak 1eko martxako balorazioa. (indarguneak eta ahulguneak, hobetu beharrekoak eta akatsak)
2-Beharrezkoa da eskualdean kolektiboen ekimenak elkarbanatu eta eskualdeko ikuspegiz dinamika komunak sortzeko asanbladen arteko koordinazio bat sortzea?
3-Elkarlanerako proposamen konkretuak (herrietako jaietako Meatzalderako kanpaina komun bat sortzea, Trapagaranen lantzen ari den “auzotarren zerbitzuen katalogo herrikoia” proiektua)
4-Eskualdeko komunikazio plataforma komunen beharra.
Kolektibo bakoitzak badugu gure komunikazio sarea, elkarren artean
ordea zail zaigu batek besteari gure ekimenen berri ematea eta
eskualdeko ikuspegiaz osatzea. Posible da eskualdeko kolektiboen
komunikazio plataforma bat sortzea?
5-Zuk proposatzen duzuna
Gai hauek aztertzeko batzarra
MAIATZAK 22, asteazkena
19:00etan basetxe gaztetxean
Trapagarango plataforma soziala
(basetxe gaztetxea, hitza kalean, trapagarango langabetu asanblada)
No comments:
Post a Comment