hostoz hosto JANTZI, ideiak loratzen

              
Urtarrilaren 15ean ideak jasotzeko prozesua zabaldu genuen. Gaur OKEn batu garenok jasotako hosto guztiak antolatzen hasi gara. LAU LORE, lau ildo nagusi atera zaizkigu:

1.Sarea astindu:  Batetik, formazioa eskaini; sare sozialak, internet eta telefonia, software askea,... Bestetik, Ortuella sarean nabarmendu; herri mailako agenda moduko zerbait sortu, bideo testigantzak...

2.Kultura eta aisialdia: Ortuellan antolatzen diren ekintzen berri izan eta interesgarri ikusten diren ekimenetan parte hartu/lagundu. Ekimen berriak antolatu; kontzertuak, bideo forumak, txangoak, kultur jarduerak... Ezagutza konpartitu; herritarrei aukera eman jakintza zabaltzeko; tailerrak  antolatu, autodefentsa, masaiak...

3.Euskara: Elkarlana bultzatu, batez ere gazteekin. Euskal kultura sustatzeko ekitaldiak; bertsolaritza, euskal kantak... Normalizazioaren aldeko kanpainak, inplikazioa eskatu, erakunde publikoena exijitu.

4.Politika eta Herria: Politikaren inguruan jardunaldiak, eztabaidak; abertzaletasuna, anarkismoa, sindikalgintza... Herriko arazoak eta kezkak ezagutu eta ezagutarazi. Ingurumenari buruzkoak; hitzaldiak, txangoak... txikizioen aurka paratu; COKE, AHT...

Hau guztia da momentuz adostu duguna, otsailetik aurrera lanean ikusiko gaituzu.

Gaur eskerrak eman nahi diegu bereziki Ortuellako Gazte Asanbladako lagunei hasieratik izan duten harrera eta inplikazioagatik.

LAU KATU GARA :)

zeure proposamenak eta ideiak konpartitu gurekin.

Kaixo lagunok:

LAU KATUn zer egin nahiko zenuke? Horixe izan zen igandean hurbildu ziren lagunei egin genien galdera. Hainbat proposamen jaso ditugu, eta oraindik beste batzuk biltzen ari gara. Datorren astean biltzen ditugun ideia guztiak aztertu eta plangintza diseinatuko dugu.

Zeuk ere  prozesu honetan parte hartzeko aukera daukazu, bidali zeure proposamenak e-postaz eta datorren asteko hitzorduan gurekin konpartitu.

Proposamenak biltzeko bilera

• Eguna: urtarrilaren 25a, asteazkena
• Hasi: 19:00etan
• Bukatu: 20:30ean
• Lekua: Ortuellako OKE (konfirmatzeke)

Lagunei, ingurukoei, familiakoei esan, denok gonbidatuta zaudete. :)

Gaur lehenengo hostoak jaso ditugu

Gaur brainpoteoinga egin dugu eta lehenengo proposamenak jasota daude. Zeureak ere egin ditzakezu, nahi baduzu bidali zure ideiak mezu baten bidez: info.laukatu@gmail.com

:) LAU KATU izanda ari gara, ari gara...

hau hosto bat da

BRAINPOTEOINGerako materiala prestatzen.

nolako herria nahi duzu? POST-ITgramak esan zigun

Abenduko bileraren galderetako bat hauxe izan zen. Bertan egon ziren lagunek eurek nahiko luketen herria papertxo (post-it) batzuetan idatzi eta gero denen artean 4 ideiak multzotan antolatu zituzten. Horri post-itgrama deitu genion :)
 

Galdera: Nolako Ortuellan bizi nahi duzu?

1. Mugimendua; herrikoia, harroa, bizia, dinamiken sortarazlea, erakargarri, aktiboa, iraultzailea, baloreetan finkatutako herria
2. Irekia; eskubideak babestu, partehartzailea, auzolana, solidarioa
3. Euskalduna eta euskaltzalea
4. Naturarekin bat 

Egun horretan hamaika lagun horiek horrela irudikatu zuten Ortuella, baina argi dago beste askoren bisioak falta zaizkigula oraindik. Zurea eman nahi diguzu?

igande honetan plana daukagu... BRAINPOTEOING!

Kaixo lagunok:

Abenduaren 28an ikusi genuen moduan LAU KATUren funtzionamendua ez da oso ohikoa izango. Hemen duzue beste adibide bat.

Bileran hartan LAU KATU zer izan daitekeen zirriborratzen hasi ginen, oraindik buelta batzuk eman beharko dizkiogu baina bitartean... Zer egin nahi dugun ere komentatzen has gaitezke, ezta? Beno, hemen duzue lehenengo proposamena.

Igande honetan LAU KATUren ideiak eta ekintza plana egiteko brainstorming moduko bat egingo dugu pote batzuk hartzen ditugun bitartean, izena beraz; brainpoteoing. Horretarako dinamika eta materiala prestatzen hasi gara. Joango garenon proposamenak jasoko dira, geroxeago nola antolatuko dugun denon artean adosten saiatuko gara. Ideia ona, ezta?

Eguna: 2012-01-15, igandea

Ordua: 12:00etan
Non: KAROBI kafetegian

OHARRA: Interesa izan dezakeen jendeari mezu hau bidali ahal diozue.

LAU KATU GARA  :)

Lau katu, lau ideia (hasteko)

2011ko abenduaren 28an Ortuellako OKEn hamaika lagun elkartu ginen LAU KATU nola imaginatzen dugun komentatzeko. Hau da bertan jaso zenaren laburpena:

1. LAU KATU ez da talde edo erakundea bat, LAU KATU ideiak konpartitzeko gune irekia baizik.
   
2. Partaideoi interesatzen zaizkigun gai guztiak jorratu ahal dira, beraz; alde horretatik ez da mugarik jarriko.
   
3. Herriko elkarte eta norbanakoekin harremanetan egoten saiatuko gara, auzolana sustatuko dugu.
   
4. LAU KATUren funtzionamendua eta komunikazioa euskaraz izango da.

LAU KATU sortzeko prozesuan parte hartu nahi baduzu, sartu gure eztabaidagunean eta zeure ekarpena egin. :)